බුත්තල ප්‍රදේශය ආශ්‍රිතව භූකම්පනයක් සිදුව තිබෙනවා.
භූවිද්‍යා සමීක්ෂණ හා පතල් කාර්යංශය පැවසුවේ ඊයේ රාත්‍රී 11.20ට පමණ රික්ටර් මාපාංක ඒකක 2.4ක ප්‍රබලත්වයකින් එම භූකම්පනය සිදුව ඇති බවයි.
මෙම භූකම්පනය බුත්තල සහ බඩල්තුඹුර යන ප්‍රදේශවලින් වාර්තා වු අතර පොළොව අභ්‍යන්තරයේ කිලෝමීටරයක් පමණ ගැඹුරින් වූ ප්‍රදේශයක හටගත් මෙම භූකම්පනය පිළිබඳ මෙරට තුළ ක්‍රියාත්මක වන භූකම්පන මාන හතරෙහිම සටහන්ව තිබුණා. මෙහි පසු කම්පන මෙතෙක් ඇති වී නොමැති අතර ඇති වු භූ කම්පනයෙන් සිදුවු ආපදා තත්වයන් පිලිබදව මෙතෙක් වාර්තා වි නැහැ.
