ශ්රී ලංකාවට ඊසාන දෙසින් පවතින අඩු පීඩන කලාපය ඉදිරි පැය 24 සිට 36 දක්වා කාලය තුළ දිවයිනෙන් ඉවතට ගමන් කරමින් ක්රමයෙන් දුර්වල වනු ඇතැයි කාලගුණවිද්යා දෙපාර්තමේන්තුව නිවේදනය කරයි.
කෙසේ වෙතත්, මෙම පද්ධතියේ බලපෑම හේතුවෙන් ඉදිරි දින දෙකක කාලය තුළද දිවයිනේ පවතින වැසි සහිත කාලගුණය තවදුරටත් පවතිනු ඇතැයි අපේක්ෂා කෙරේ.
විශේෂයෙන් බස්නාහිර, සබරගමුව, මධ්යම, දකුණු, වයඹ සහ උතුරු පළාත්වල විටින් විට වැසි හෝ ගිගුරුම් සහිත වැසි ඇති විය හැක.
බස්නාහිර, සබරගමුව, මධ්යම සහ වයඹ පළාත්වලත්, ගාල්ල සහ මාතර දිස්ත්රික්කවලත් ඇතැම් ස්ථානවලට මිලිමීටර් 100 ඉක්මවූ තද වැසි ඇති විය හැකි බව එම දෙපාර්තමේන්තුව වැඩිදුරටත් සඳහන් කරයි.
දිවයිනේ සෙසු ප්රදේශවල පස්වරු 1.00 න් පසුව වැසි හෝ ගිගුරුම් සහිත වැසි ඇති විය හැක.
ගිගුරුම් සහිත වැසි සමඟ තාවකාලික තද සුළං සහ අකුණු අනතුරු ඇති විය හැකි බැවින්, ඒ පිළිබඳව විමසිලිමත් වී අවශ්ය ආරක්ෂිත පියවර ගන්නා ලෙස මහජනතාවගෙන් ඉල්ලා සිටිනු ලැබේ.
