විදේශ රැකියා ලබාදෙන බව පවසා මුදල් වංචා කිරීමේ සිද්ධියක් සම්බන්ධයෙන් චෝදනා එල්ල වී සිටින රංගන ශිල්පිනී දමිතා අබේරත්න සහ ඇයගේ සැමියා අද කොටුව මහේස්ත්‍රාත් අධිකරණයට බාර වීමට පැමිණියා.
ඒ, අපරාධ පරීක්ෂණ දෙපාර්තමේන්තුවෙන් ඔවුන්ට එරෙහිව විමර්ශනයක් ද සිදුකෙරෙන පසුබිමකයි.
ඔවුන් දෙදෙනාට ඉකුත් (02) වැනි දා ආගමන හා විගමන පනත යටතේ අත්අඩංගුවට ගැනීම වළක්වාලන අතුරු තහනම් නියෝගයක් නිකුත් කිරීම ප්‍රතික්ෂේප කිරීමට අභියාචනාධිකරණය කටයුතු කර තිබුණා.
එම යුවල අධිකරණය මඟහරිමින් සැඟව සිටින බවටද පසුගියදා වාර්තා වුණා.
පසුව අධිකරණයෙන් පිටතට පැමිණ මාධ්‍යයට අදහස් දක්වමින් සිටි රංගන ශිල්පිනී දමිතා අබේරත්නව අපරාධ පරීක්ෂණ දෙපාර්තමේන්තුව මගින් අත්අඩංගුව ගනු ලැබුවා.
